ഗവൺമെന്റ് സൈബർപാർക്കിൽ നേത്രപരിശോധന ക്യാമ്പ് സംഘടിപ്പിച്ചു
Calicut / May 15, 2026
കോഴിക്കോട്: ഐടി ജീവനക്കാരുടെ ആരോഗ്യ സംരക്ഷണം മുൻനിർത്തി ഗവൺമെന്റ് സൈബർപാർക്കും ട്രിനിറ്റി സൂപ്പർ സ്പെഷ്യാലിറ്റി ഐ ഹോസ്പിറ്റലും സംയുക്തമായി നേത്രപരിശോധന ക്യാമ്പ് സംഘടിപ്പിച്ചു. സൈബർപാർക്ക് കാമ്പസിൽ വെച്ച് നടന്ന ക്യാമ്പിൽ നിരവധി ഐ ടി ജീവനക്കാർ പങ്കെടുത്തു.
തുടർച്ചയായി കമ്പ്യൂട്ടർ സ്ക്രീനുകളിൽ നോക്കി ജോലി ചെയ്യുന്ന ഐടി പ്രൊഫഷണലുകൾക്കിടയിൽ വർദ്ധിച്ചുവരുന്ന നേത്രരോഗങ്ങളെയും കാഴ്ച വൈകല്യങ്ങളെയും കുറിച്ച് അവബോധം നൽകുന്നതിനാണ് ക്യാമ്പ് ലക്ഷ്യമിട്ടത്. ട്രിനിറ്റി ഐ ഹോസ്പിറ്റലിലെ വിദഗ്ധ ഡോക്ടർമാരുടെ നേതൃത്വത്തിൽ ആധുനിക മെഡിക്കൽ ഉപകരണങ്ങളുടെ സഹായത്തോടെയാണ് പരിശോധനകൾ നടത്തിയത്.
ക്യാമ്പിൽ പങ്കെടുത്തവർക്ക് ആവശ്യമായ തുടർചികിത്സാ നിർദ്ദേശങ്ങളും കാഴ്ച സംരക്ഷണത്തിനായുള്ള മുൻകരുതലുകളെക്കുറിച്ചുള്ള ഉപദേശങ്ങളും നൽകി. ഭാവിയിലും ജീവനക്കാരുടെ ക്ഷേമം മുൻനിർത്തി സമാനമായ ആരോഗ്യ ക്യാമ്പുകൾ സംഘടിപ്പിക്കുമെന്ന് സൈബർ പാർക്ക് അധികൃതർ കൂട്ടിച്ചേർത്തു.
Photo Gallery
