കെഎസ് യുഎം ഫാക്കല്‍റ്റി ഡെവലപ്മെന്‍റ് പ്രോഗ്രാം: അപേക്ഷ ക്ഷണിച്ചു

Trivandrum / May 13, 2026

തിരുവനന്തപുരം: കേരള സ്റ്റാര്‍ട്ടപ്പ് മിഷന്‍റെ (കെഎസ് യുഎം) ഫാക്കല്‍റ്റി ഡെവലപ്മെന്‍റ്  പ്രോഗ്രാമായ (എഫ് ഡിപി) 'മേക്കര്‍ സ്പ്രിന്‍റി' ലേക്ക് ഇപ്പോള്‍ അപേക്ഷിക്കാം. ഡിജിറ്റല്‍ ഫാബ്രിക്കേഷന്‍ സാങ്കേതികവിദ്യകളില്‍ മികവുറ്റ പ്രായോഗിക പരിശീലനം നല്കാന്‍ പരിപാടിയിലൂടെ ലക്ഷ്യമിടുന്നു.

മെയ് 18 മുതല്‍ 22 വരെ ടെക്നോപാര്‍ക്ക് ഫേസ് വണ്‍ കാമ്പസിലെ ഫാബ് ലാബ് കേരള ട്രിവാന്‍ഡ്രത്തിലാണ് അഞ്ചു ദിവസത്തെ പരിശീലന പരിപാടി.

ലേസര്‍ കട്ടിംഗ്, പിസിബി മില്ലിംഗ്, വിനൈല്‍ കട്ടിംഗ്, 3ഡി പ്രിന്‍റിംഗ്, വുഡ് സിഎന്‍സി എന്നിവയുള്‍പ്പെടെയുള്ള പ്രധാന ഡിജിറ്റല്‍ ഫാബ്രിക്കേഷന്‍ സാങ്കേതികവിദ്യകളിലെ പ്രായോഗിക പരിശീലനം ഇതിലൂടെ ലഭ്യമാകും. പരിപാടിയില്‍ പങ്കെടുന്നവരുടെ ആശയങ്ങളെ പ്രോട്ടോടൈപ്പുകളാക്കി മാറ്റുന്നതിനുള്ള സഹായവും ലഭിക്കും.

ഡിജിറ്റല്‍ ഫാബ്രിക്കേഷന്‍ സാങ്കേതികവിദ്യകളില്‍ മുന്‍ പരിചയം ഇല്ലാത്തവര്‍ക്കും അപേക്ഷിക്കാം. ഫാക്കല്‍റ്റി ഡെവലപ്മെന്‍റ്  പ്രോഗ്രാം വിജയകരമായി പൂര്‍ത്തിയാക്കുന്നവര്‍ക്ക് കെഎസ് യുഎം സര്‍ട്ടിഫിക്കറ്റ് ലഭിക്കും.

രജിസ്ട്രേഷന് : ksum.in/maker-sprint