கேரள சுற்றுலாத்துறையின் ‘லென்ஸ்கேப் கேரளா’ புகைப்படக் கண்காட்சி லலித் கலா அகாடமியில் தொடங்குகிறது
Chennai / March 3, 2026
சென்னை, 3 மார்ச் 2026: கேரள சுற்றுலாத்துறையின் ‘லென்ஸ்கேப் கேரளா’ புகைப்படக் கண்காட்சி மார்ச் 4ஆம் தேதி சென்னையிலுள்ள லலித் கலா அகாடமியில் ஆரம்பமாகவுள்ளது. இக்கண்காட்சி இந்தியாவின் பல்வேறு பகுதிகளில் இருந்து வந்த பத்து புகழ்பெற்ற புகைப்படக் கலைஞர்கள் கேரளா முழுவதும் எடுத்த 100 தேர்ந்தெடுக்கப்பட்ட படங்களின் தொகுப்பைக் காட்சிப்படுத்தும்.
இந்த நிகழ்ச்சி மார்ச் 7 வரை, காலை 11 மணி முதல் மாலை 7 மணி வரை நடைபெறும்.
மலையாள நடிகை திருமதி சீமா, மற்றும் எழுத்தாளரும், விமர்சகரும், Better Photography-இன் முன்னாள் ஆசிரியருமான திரு. சதானந்த் மேனன், மார்ச் 4 அன்று மாலை 5:30 மணிக்கு ‘லென்ஸ்கேப் கேரளா’ புகைப்படக் கண்காட்சியின் சென்னை பதிப்பை தொடங்கி வைப்பார்கள்.
உருவப்படங்களிலிருந்து வாழ்வியல் கலாசாரங்கள் வரை, பரந்து விரிந்த இயற்கைக் காட்சிகள், வனவிலங்கு, மற்றும் அன்றாட தருணங்கள் வரை, இந்தக் கண்காட்சி பத்து தனித்துவமான காட்சிக் குரல்களை ஒன்றிணைத்து, “God’s Own Country” எனப்படும் கேரளத்தின் உற்சாகமிக்க, நவீன உருவப்படத்தை உருவாக்குகிறது.
புகழ்பெற்ற கலை விமர்சகர் உமா நாயர் அவர்களால் தொகுக்கப்பட்டதும், விருது பெற்ற புகைப்படக் கலைஞர் பாலன் மாதவன் இயக்கியதுமான ‘லென்ஸ்கேப் கேரளா’, ஹெச். சதீஷ், சிவாங் மேத்தா, அமித் பஸ்ரிச்சா, சௌரப் ஆனந்த் சட்டர்ஜி, சைபல் தாஸ், உமேஷ் கோக்னா, மனோஜ் அரோரா, ஐஸ்வர்யா ஸ்ரீதர், நடாஷா கார்தார் ஹெம்ராஜானி மற்றும் கௌந்தேய சின்ஹா ஆகியோரின் லென்ஸ்கள் மூலம் கேரளாவை காட்சிப்படுத்துகிறது.
மார்ச் 5 அன்று, புகழ்பெற்ற புகைப்படக் கலைஞர்கள் பாலன் மாதவன், ஐஸ்வர்யா ஸ்ரீதர் மற்றும் சௌரப் ஏ. சட்டர்ஜி நடத்தும் இலவச புகைப்பட மாஸ்டர்கிளாஸ் ஒன்றும் ஏற்பாடு செய்யப்பட்டுள்ளதாகும்.
10 நகரங்களைச் சுற்றும் இந்தக் கண்காட்சி ஜனவரி 20 அன்று நியூ டெல்லியில் தொடங்கி மார்ச் 29 அன்று கொல்கத்தாவில் நிறைவடைகிறது. வடோதரா, அகமதாபாத், புனே, மும்பை மற்றும் பெங்களூரு நகரங்களில் நடைபெற்ற நிகழ்ச்சிகள் இதுவரை முடிவடைந்துள்ளன. சென்னை பதிப்பிற்குப் பிறகு, இந்தக் கண்காட்சி நிறைவடைவதற்கு முன் ஹைதராபாத் மற்றும் சூரத்திற்குப் பயணிக்கும்.
