നാസ്കോം ഫയ: 80യുടെ ഓട്ടോണമസ് സിസ്റ്റങ്ങളെക്കുറിച്ചുള്ള സെമിനാര്‍ ഫെബ്രുവരി 5 ന്

Trivandrum / February 3, 2025

തിരുവനന്തപുരം: ടെക്നോപാര്‍ക്കിലെ വിജ്ഞാന സമൂഹമായ ഫയ:80 യുടെ ആഭിമുഖ്യത്തില്‍ അണ്‍മാന്‍ഡ്/ഓട്ടോണമസ് സംവിധാനങ്ങളുടെ പരിണാമത്തെയും ഭാവിയെയും അവയുടെ സ്വാധീനത്തെയും കുറിച്ചുള്ള സെമിനാര്‍ സംഘടിപ്പിക്കുന്നു. ടെക്നോപാര്‍ക്ക് തേജസ്വിനി ബില്‍ഡിംഗിലെ ഫയ 'ഫ്ളോര്‍ ഓഫ് മാഡ്നെസി'ല്‍ ഫെബ്രുവരി 5 ന് വൈകുന്നേരം 5 നാണ് സെമിനാര്‍. ഫയയുടെ പ്രതിമാസ ടെക്നോളജി സെമിനാറിന്‍റെ 124-ാം പതിപ്പാണിത്.

ഓട്ടോണമസ് സിസ്റ്റങ്ങള്‍ക്ക് പിന്നിലെ സാങ്കേതികവിദ്യകള്‍ കേസ് സ്റ്റഡിയിലൂടെ സെമിനാര്‍ ചര്‍ച്ച ചെയ്യും. ആപ്പിള്‍ ഇന്‍കോര്‍പ്പറേറ്റഡിലെ ആപ്പിള്‍ വാച്ച് ഹെല്‍ത്ത് മുന്‍ ഐപോഡ് വീഡിയോ മേധാവിയും എകാര്‍ട്ട് ഡിജിറ്റല്‍ സിസ്റ്റംസിന്‍റെ സഹസ്ഥാപകനുമായ ബാര്‍ക്കര്‍ ഭാസ്കരന്‍ സെഷന്‍ നയിക്കും.

രജിസ്ട്രേഷനായി സന്ദര്‍ശിക്കുക: https://makemypass.com/rise-of-unmanned-autonomous-systems 'ക്ലൗഡ് കമ്പ്യൂട്ടിംഗ് ഇന്‍ ദി ഏജ് ഓഫ് എഐ ആന്‍ഡ് ബിയോണ്ട്' എന്ന ആശയത്തില്‍ നാസ്കോം ഫയ:80യുടെ 123-ാം പതിപ്പ് ക്ലൗഡ് കമ്പ്യൂട്ടിംഗിന് എഐ എങ്ങനെ പ്രയോജനപ്പെടുത്താമെന്ന് ചര്‍ച്ച ചെയ്തു.