ടെക്കികളുടെ ഫോട്ടോ പ്രദര്‍ശനവുമായി ഇന്‍ഫോപാര്‍ക്ക്

Trivandrum / November 9, 2024

കൊച്ചി: ഇന്‍ഫോപാര്‍ക്കിന്റെ 20-ാം വാര്‍ഷിക ആഘോഷങ്ങളുടെ ഭാഗമായി അഞ്ച് ദിവസത്തെ ഫോട്ടോഗ്രാഫി പ്രദര്‍ശനം നാളെ(നവംബര്‍ 11) ആരംഭിക്കും. നവംബര്‍ 11 മുതല്‍ 15 വരെ ഇന്‍ഫോപാര്‍ക്ക് കൊച്ചി കാമ്പസുകളില്‍ ആണ് പ്രദര്‍ശനം. നവംബര്‍ 11, 12 തീയതികളില്‍ തപസ്യ ഹാളിലും 13 ന് അതുല്യ ലോബിയിലുമാണ് എക്സിബിഷന്‍. 14, 15 തീയതികളില്‍ ജ്യോതിര്‍മയ ഹാളിലും ഫോട്ടോ പ്രദര്‍ശനം നടക്കുന്നത്.ഇന്‍ഫോപാര്‍ക്കും ഇന്‍ഫോപാര്‍ക്ക് ഫോട്ടോഗ്രാഫി ക്ലബ്ബും സംയുക്തമായിട്ടാണ് പരിപാടി സംഘടിപ്പിക്കുന്നത്.

എക്സിബിഷന്‍ സന്ദര്‍ശിക്കാനും ഐടി ജീവനക്കാരുടെ സര്‍ഗാത്മകതയില്‍ പങ്കുചേരുന്നതിനുമായി ഫോട്ടോഗ്രാഫി പ്രേമികളെയും ഇന്‍ഫോപാര്‍ക്ക് അധികൃതര്‍ ക്ഷണിച്ചിട്ടുണ്ട്.
 സന്ദര്‍ശകര്‍ക്ക് എക്സിബിഷനിലെ ഫോട്ടോകള്‍ വാങ്ങിക്കുന്നതിനും അവസരമുണ്ടാകും.